Elkarteak
Kirolak
Segurako Futbol Taldea
Alustiza Futbol Zelaia
Laiotz Auzoa, s/n.
Tel.: 943 80 12 03
E-mail: segurake@terra.es
Segura Kirol Elkartea 1969an sortu zen, Udalak, Alustiza ahizpen lurretan zelaia eraiki zuen urte berean. Aurretik kuadrilen arteko txapelketak jokatzen ziren Idiazabal eta Zegamako gazteen kontra baina futbol talderik ez zegoen.
1990. urtean gaur egungo “Alustiza futbol zelaia” eraiki zen. Bertan Gazte eta Errejional mailako Futbol txapelketetako partiduak jokatzen dira; beste mailetan ez dago Segurako ordezkaririk.
Futbolak Seguran bi etapa izan ditu: aurrenekoan, 1974 eta 1975ean, Gipuzkoako txapelduna izan zen eta Estatuko txapelketan parte hartu zuen Real Madrid, Bartzelona eta Herkulesen aurka jokatuz. Bigarren etapak 90. hamarkadara gerturatzen gaitu, Errejionaleko bigarren mailako eta gazteen taldeekin.
Jubenileko taldea 1997-98 denboraldian Ohorezko Ligara igo zen. Bestalde, helduak, 1995-96 denboraldian 1. Errejionalera igo ziren eta 1998-99an Preferentera pasatu ziren, baina 2000-2001 denboraldian ez zuten lortu mailari eustea.